Ciidamada Difaaca Puntland oo hawlgallo qorshaysan maanta fuliyey ayaa ku diley laba Miinayste oo ka tirsan khawaariijta Daacish, iyagoona la wareegey Talisyada Godmadow ee Curaar, Lugta Laasku Wehelle iyo Isha Dharabato oo ka tirsan togga Jaceel.
Ciidamada ayaa sidoo kale khawaariijta Daacish ka furtay gaari Iska-rogo ah, gaari yar oo ay furfureen, hubka noocyaddiisa kala duwan, Mootooyin, saad, sahay iyo agabyo kale oo muhiim ah, kuwaas oo ay dhammaantood aaseen, balse ciidamaddu ay fashiliyeen.
Dhanka kalena, ciidanka difaaca dowladda Puntland ayaa diley laba dhagar qabe oo kooxda Daacish u qaabilsanaa aasidda iyo xiridda miinooyinka loogu talagalay in ciidanka lagu dhibaateeyo.
0 Comments