Musharax Madaxwayne Sheekh Dahir oo weerar afka ah ku qaaday Ahmed Madoobe

 

Musharax Madaxwayne Sheekh Dahir Ahmed Abdullahi oo ka mid ah musharaxiinta Maamul Gobaleedka Jubaland ayaa galabta hadal uu sii dayay waxa uu fariin xambaarsan hanjabaad garnaqsi iyo talooyin u jeediyay Madaxwaynaha Jubaland Ahmed Maxamed Islaam Axmed Madoobe.

Sheekh Dahir Ahmed Abdullahi ayaa fariintaan soo dhigay bartiisa Facebook waxaana ka muuqatay caro faro badan sido kale hadalkiisa ayaa waxa laga dhadhansanayay hadalo aan horay looga baran kuwaas oo xanbaarsan hanjaadyo.

Sheekh Dahir Ahmed Abdullahi ayaa hadalkiisa ku bilaabay Raysal Wasaaraha Soomaaliya Xamse Cabdi Bare in aan Kismaayo laga horjoogsan karin wuxuuna xusay cidii isku daydo inay hor istaagto inay ka qaadi doonaan talaabo cad.

"Xamse Cabdi Bare cidii hor istaagto waxaa igu balan ah inu maydka agalax noqdo". ayu yiri Sheekh Dahir Ahmed Abdullahi oo ah Musharx Madaxwayne Jubaland.

Sheekh Dahir Ahmed Abdullahi ayaa ugu baaqay Ahmed Madoobe inu ka baaqsado talaabooyinka uu qaadayo wuxuuna intaa ku daray inu Ahmed Madoobe gali doono danbiyo caalami ah oo aysan cidna ka badbaadin doonin xita kuwa hada u ah lataliyaasha.

Dhanka kale Sheekh Dahir Ahmed Abdullahi ayaa sheegay in Ahmed Madoobe ay galeen heshiis siyaasadeed kaas oo dhigayay in uusan mar kale is sharixi doonin geesta kalana uu badalay dastuurkii dhigayay  labo mar ka badan in uusan is sharixi doonin.

"Doorasho dadban oo kismaayo laga qabto wexe leedahay doorasho kale oo dadban in kismaayo laga qabto geedka istaagto ayaa istaageenaa"  Sheekh Dahir Ahmed Abdullahi.

Dhinaca kale Sheekh Dahir Ahmed Abdullahi ayaa ugu baaqay saraakiisha ciidamada jubaland in aan loo adeegsan dadkooda islamarkaana waqtigooda uusan galaafan nin tagaayo bari madaama ay yihiin dhalinyaro waqtogooda cusub yahay.

Sheekh Dahir ayaa u balan qaaday hadii uu Madaxwayne Jubaland noqdo in  Ciidamada Jubaland ay heli doonaan mishaar joogto ah, dalacsiin iyo koorsooyin dibada ah .

Madaxwaynaha Jubaland Ahmed Mohamed Islaam ayaa 2012-kii ilaa iyo hada hogaaminayo maamulka jubaland waxaana dagaalo badan looga soo qaaday Dowlada Fedaraalka Soomaaliya kuwaas oo uu kaga adkaaday mudo 13 sano ah in gacantiisa laga saaro maamulka.